Bhfuil Gaeilge aige?

Ceist an lae? Bhfuil Gaeilge ag Aire Stáit nua na Gaeltachta - Joe McHugh.

Ceist eile. Bhfuil spéis aige sa Ghaeilge nó i bPobal na Gaeltachta?

Aire Stáit na Gaeltachta

Ag breathnu ar a bheathfhaisnéis ar shuíomh Fhine Gael (i mBéarla amháin mar is gnáth ag Fine Gael) níl mórán faoi ann ach go raibh sé mar urlabhraí sa tSeanad dá pháirtí nuar a bhí Éamon Ó Cuív ina Aire Pobal Tuaithe agus Gaeltachta ó 2002-2007.

Tá suíomh idirlín aige leis "Donegal Matters" ach arís níl focal Gaeilge ann!

Bhí sé ina mhúinteoir tráth agus b'fhéidir go bhfuil, agus b'fhéidir nach bhfuil an "cúpla focal" aige.

Le Dinny McGinley bhí sé i ndán a bheith paiseanta agus feargach sa teanga ach tá mé ag ceapadh go leanfadh an fear nua polasaí an Stáit Sheirbhís.

Dúirt an iar-Coimisinéir Teanga, Seán Ó Cuirreáin le Coiste Oireachtais níos tuaithe sa bhliain: "Creidim go bhfuil an teanga á ruaigeadh ar leataobh go leanúnach chuig imeall na sochaí, agus áirím anseo cuid mhaith den riarachán poiblí. Ní chreidim ar chor ar bith gur ar an aicme pholaitiúil is mó atá an locht ina leith seo ach feictear dom, cé go bhfuil daoine sa státchóras a thacaíonn go láidir leis an Ghaeilge, go bhfuil fórsaí níos láidre agus níos forleithne fós ann ar cuma leo ann nó as dár dteanga náisiúnta. "

Más fíor san nach mór duine láidir cumasach eolasach a bheith mar Aire Gaeltachta? An iad Heather Humphrys nó Joe McHugh an duine sin?

An cinneadh seo ó Enda Kenny, Is baolach go ládraíonn polasaí rialtas fíor na tíre a nocht Seán Ó Cuirreáin ag Comhdháil Idirnáisiúnta Coimisiméirí Teanga anuireadh: "Labhraigí Gaeilge le chéile ach nár labhair linne í!" Seo h-iad na daoine a bhí Uachtarán na hÉireann ag caint faoi nuair a rinne sé tagairt dóibh siúd, "for whom Irish was not half dead enough!"

Neart tuíteann faoi ach tá mé ag ceapadh go gcuireann sé seo ár n-imní go beacht:

Bhfuil Gaeilge aige?